LAOAG CITY – Inbatad ni Atty. Joel Ginez, ti Comelec Supervisor ditoy probinsya a pinatuludan da amin ti surat dagiti kandidato ditoy probinsya para ti panangisumitir da ti Statement of Contributions and Expenditures (SOCE).
Inpetteng ni Ginez a nangatiw man wenno saan iti kalepleppas nga eleksyon ket masapol latta a mangisumitir ti SOCE na.
Kuna na pay nga uray dagiti kandidato a nagwithraw kalpasan a nangrugin ti campaign period a kas ken ni Congressman Rodolfo Fariñas ket agisumitir ti SOCE na.
Inbatad na a masapol nga isumitir dagiti maseknan ti SOCE da agingga iti Hunyo 12 ita a tawen.
Innayonna a saan nga isuda ti mangaksyon no bilang sobra ti nagastos ti maysa a kandidato gapu ta ti laeng trabaho da ket ti agawat kadagiti isumitir da a SOCE.
Nupay kasta, kuna na nga adda ti sangwen a pannusa dagiti kandidato a sobra ti nagastos na idi eleksyon.
