LAOAG CITY – Saan a pabor ni Atty. Neri Colmenares ti naipila nga House Bill 002 a mabalin a mapilaan ti reklamo dagiti agtutubo manipud iti agtawen ti 9 agingga ti agtawen ti 15.
Daytoy ket mainaig ti pannakausar dagiti menor de edad nga agaramid ti saan a maiparbeng babaen panangbilin dagiti grupo ti sindikato ken sabsabali pay.
Segun kenni Colmenares, saan a rumbeng a madusa dagiti ubbing gapu ta bassit pay ti ammo da ken alisto da a maloko dagiti sindikato.
Inbatad na a no kuma matiliw dagiti sindikato ket awan kuma ti menor de edad a mairamram kadagiti krimen a maar-aramid.
Mainaig iti daytoy, krinitikar nadagiti pannakabagi ti linteg a palpak dagitoy gapu ta simpleng a mannibrong ket saan da pay a matiliw.
Kuna ni Colmenares a sumagmamano pay dagitoy ket kakadua da dagiti sindikato.
