LAOAG CITY – Agpada a nagkedked ti Australia ken Belgium nga agbalin a host country no aprobaran ti International Criminal Court (ICC) ti kiddaw ni dati a Presidente Rodrigo Duterte a temporario a mawaya-wayaan.
Inbatad ti abugado ken Assistant Counsel iti International Criminal Court a ni Kristina Conti a basar iti rekord ket awan ti pagilian a mangayat nga agbalin nga host ni Duterte.
Ni Duterte ket nakabalud iti International Criminal Court Scheveningen prison idiay The Hague, Netherlands sipod idi bulan ti Marso.
Sumangsango ni Duterte kadagiti kaso a crimes against humanity gaou iti nadara a kampania kontra iti droga a maipagarup a nakatayan ti rinibu a tattao.
Nangipila ti mosyon idi Hunio 12 ti abugado ni Duterte nga agkidkiddaw ti temporario a pannakawaya-wayana iti maysa a saanen a naibuksilan a pagilian.
Ti Australia ket maysa a signatory iti Rome Statute ngem inlawlawagna a saan daytoy nga ag-host iti dati a Presidente.
Kabayatanna, naiget a naglikudan met ti Belgium ti kiddaw nga agbalin nga host iti interim release ni Duterte.
Dinakamat ni Conti a masansan a pagkedkedan ti International Criminal Court ti temporario a pannakawaya-waya para kadagiti kinasoan ti nadagsen a krimen kas ti genocide wenno dagiti krimen.
