LAOAG CITY – Pinasingkedan ti Department of Trade and Industry nga awan kadagiti nagduduma nga establisimiyento ditoy probinsiya ti aglaklako iti substandard a christmas lights.
Daytoy ti inbatad ni Mr. Dominador Alberto, Senior Trade and Industry Development specialist ti DTI Ilocos Norte kalpasan ti namindua a daras a nag-inspek dagitoy kadagiti nagduduma nga pasdek negosyo.
Inlawlawag na nga awan dagiti naduktalan da a peke nga ICC stickers iti karton dagiti christmas lights gapu iti atap dagiti sumagmamano nga aggatang a peke dagiti nakapigkket.
Segun kenni Alberto, addan dua a bulan nga imonmonitor da dagiti de kuryente a dekorasyon ngem agpapan kadagitoy ket awan pay dagiti nakita da nga substandard.
Inbatad na nga amin dagiti inispeksyon da nga christmas lights ket pimmasa iti kalidad na gapu ta malaksid ti ICC sticker ket namarkaan pay dagiti karton iti PS nga adda ti check mark na.
Inlawlawag ni Alberto a no adda dagiti maduktalan nga aglaklako ti substandard a christmas light ket kumpiskaren da ken agmulta pay dagitoy.
