LAOAG CITY – Awan ti mamonmonitor ti Philippine National Police (PNP) a miembro ti Gun For Hire Group ditoy probinsya kabayatan nga umas-asideg ti May 2022 election.
Daytoy ti inbatad ni Provincial Director Police Col. Julius Calima Suriben.
Inbatad na nga adda dagiti Intel Personnel da nga agmonmonitor ngem agpapan ita ket awan pay dagiti aktibo a gun for hire a possible nga agisaknap ti kinadamsak ditoy probinsya.
Nupay kasta, inpakaammo na a naiget ti pannaki-koordinar da kadagiti kabangibang a probinsya tapno maamoan da a dagus no bilang adda dagiti gun for hire iti lugar da a manggandat met a sumrek ditoy Ilocos Norte.
Inpasingked na nga ad-adda pay a paigetan da ti agbantay kadagiti borders tapno saan a basta makastrek dagiti maibilang a miembro ti gun for hire group.
