LAOAG CITY – Awan pay ti nagdur-asan ti imbestigasyon ti PNP Vintar mainaig ti pannakapapatay ni Cecilia Gamiao iti Brgy. Ester iti nasao nga ili.
Daytoy ti inbatad ni Police Chief Insp. Jayson Batuyong, hepe ti PNP Vintar.
Maipalagip a napasamak ti pammaltog idi Marso 29, 2018 iti nasao a barangay bayat nga agbuybuya ti biktima iti telebisyon idi ta kelaat a pinaltogan ti saan a nabigbig a suspek usar ti shotgun.
Immunan a narekobre dagiti otoridad ti kapusula ti bala ti shotgun ken uppat a buli na.
Naipaiman dagiti naala nga ebidensya iti crime laboratory para ti pannakaidalan na iti ballistic examination.
