LAOAG CITY – Awan ti makuna a natural disaster no di ket natural hazard.
Daytoy ti nagbalin a palawag ni Department of Science and Technology (DOST) Secretary Renato Umali Solidum, Jr.
Inbatad na a no tingitingen a naimbag ket rumbeng a pagyamanan dagiti natural hazard a kas ti bagyo, panagbettak ti bulkan, gingined ken uray ti climate change gapu ta dagitoy ti rason no apay nga adda dagiti white sand, bantay ken napintas a landscape iti pagilyan.
Innayon na nga awan ti maperdi a biag ti tao gapu iti natural hazard no agsagana a naimbag ken adda ti kooperasyon iti tunggal maysa.
Inpetteng ni Solidum a no nakasagana a naimbag no adda ti layos, bagyo ken gingined ket mabalin nga awan dagiti indibidual a maisagmak ti biagna.
