LAOAG CITY – Boluntaryo a simmuko iti 2nd Provincial Mobile Force Company ken iti PNP-Dingras ti maysa a babai a miembro iti Communist Terrorist Group.
Daytoy ti inpakaammo ni PMaj. Jephre Taccad, ti pannakangiwat ti Ilocos Norte Police Provincial Office.
Kuna ni Taccad a gapu ta marigatan ti dati a rebelde iti bantay ket napili na ti agsubli iti salinong ti gobierno ken karaman nga insuko na ti ikot na a paltog.
Inpakaammo ni Taccad a ti dati a rebelde ket nagserbi kas messenger ti terorista a grupo.
Mainaig iti daytoy, nagpanawagan kadagiti rebelde a saan nga agbuteng nga agsubli iti salinong ti gobierno gapu ta nakasagana ti gobierno a mangawat kadagitoy ken maikkan ti baro a biag.
