LAOAG CITY – Rumrummuar a nalipatan laeng ni Senador Rodante Marcoleta a paglikudan ti kiniddaw nga allocables iti Department of Public Works and Highways (DPWH).
Iti post ni Senador Ping Lacson iti social media account-na, kunana a saan a naiget a naglikudan ni Marcoleta ti ₱500 million allocables para kadagiti proyekto imprastraktura a kiniddaw iti nasao nga ahensia.
Maipalagip nga idi Martes ket nangipaay ti privilege speech ni Lacson mainaig kadagiti ebidensia ken rekomendasion ti Blue Ribbon Committee mainaig iti maipagarup a flood control scam.
Iti presentasion ti senador, makita iti slide ti maysa nga handwritten a note ti pimmusay a ni Department of Public Works and Highways Undersecretary Maria Catalina Cabral no sadinno nga adda ti ₱500 million a kiddaw nga allocables ni Marcoleta manipud iti ahensia.
Kalpasan daytoy ket insigida met a nag-privilege speech ni Marcoleta tapno kontraen ti panangiraman ni Lacson iti naganna iti presentasion ti flood control anomalies ngem saanna met a naglikudan ti alegasion.
Inlawlawag ni Lacson a saan a dakes ti allocables ken maaddaan laeng ti panangimbestigar no adda ti anomalya iti panagusar ti pundo.
