LAOAG CITY – Balligi a natiliw ti maysa a babai nga addaan ti warrant of arrest iti mismo a pagtaengan na iti Barangay Nalbo ditoy ciudad ti Laoag.
Daytoy ti kinumpirmaran ni Police Lt. Col. Mar Louis Bondoc, mangidadaulo ti Ilocos Norte Provincial Mobile Force Company iti INPPO.
Binigbig ni Bondoc ti babai a ni Michelle Esteban Ibao y Esteban, agtawen ti 31, naasawaan ken residente iti Barangay Catangraran iti ili ti Solsona.
Ti warrant of arrest ket inparuk-at ni Hon. Judge Artemio Quidala Jr., ti presiding judge ti RTC Branch 16 ditoy ciudad ti Laoag idi Agosto 26, 2020 gapo iti kaso ni Ibao a qualified theft.
Narekomendaan met daytoy iti pyansa nga 120 a ribo a pisos.
Iti agdama ket nagtalinaed ti babai iti kustudiyar ti PNP-Laoag.
