LAOAG CITY – Balligi ti pannakatiliw ti Top 8 Most Wanted Person iti Regional Level iti Poblacion 1, Adams, Ilocos Norte.
Daytoy ket agtawen ti 54, balo, caretaker ken residente iti Poblacion 2, Pagudpud, Ilocos Norte.
Natiliw daytoy babaen kadagiti kameng ti Adams Police Station nga isu ti lead unit nga indaulwan ni Police Captain Rogeline Ibe, pakairamanan ti PIU INPPO ken tracker personnel ti Pagudpud Police Station babaen iti superbisyon ni Police Col. Julius Suriben, ti Provincial Director ti Ilocos Norte Police Provincial Office.
Ti akusado ket naarestar babaen ti bileg ti Warrant of Arrest a napetsaan ti March 29, 2023, nga inisyu ni Presiding Judge Charles Javier Magpale Calapini iti Regional Trial Court First Judicial Region Branch 19, iti ili ti Bangui gapo iti kaso na a robbery with homicide.
Awan met ti nairekomendar a pyansa ti akusado.
