LAOAG CITY – Napagsasaritaan idiay China ti maysa a mini series kalpasan nga inpublikar ti 23 year-old nga aktor a ni Zhong Yufei ti maipagarup saanna a maakseptar a padasna iti set, no sadinno ket ti leading lady-na ken ti financer ti proyekto ket maymaysa a tao.
Segun ken ni Zhong, ti nasao a babai ket nagpondo iti 50-episode series iti kondisionna nga isuna ti agbalin a leading lady ken isuna mismo ti masurot iti tunggal eksena.
Mainaig iti daytoy, maysa kadagiti kinontra ti crew ket ti desision ti leading lady a 60 kissing scenes.
Binallaagan dagiti crew ti nasao a leading lady a mabalin a mangitunda daytoy ti pannakadadael ti istorya, ngem maipagarup saan a dinengngeg daytoy ti lead actress ken financer.
Kabayatanna, idi nagleppas ti taping ket saan nga inakseptar dagiti streaming platform ti nasao a serye gapu iti kinaado ti kissing scenes-na a naglabsing iti cencorship board ti China.
