LAOAG CITY – Naarestar ti maysa a babai iti buy-bust operation gapu iti panaglako na kadagiti alcohol nga awan ti label na iti Barangay 7 ditoy ciudad ti Laoag.
Daytoy ti kinumpirmaran ni Police Major Nelson Apostol, Assistant Provincial Director ti CIDG ditoy probinsya.
Inbatad ni Apostol nga iti imbestigasyon da, dagiti ginalon nga ilaklako ti saanna nga inaganan a suspek ket ang-angkaten na met laeng.
Inlawlawag ni Apostol a saan da a maibaga nga over pricing ti lako ti suspek gapu ta awan pay ti ebidensya da.
Innayon na basar iti suspek ket ti lako na a maysa a galon nga alcohol nga agarop 4 a litro ket agbalor ti 850 a pisos.
Segun ken ni Apostol, immuna nga adda ti nagreklamo iti Department of Trade and Industry (DTI) kontra iti lako ti suspek isut gapuna a nakikoordinar ti ahensya kadakuada para iti panangisayangkat da ti operasyon.
Iti agdama, nagtalinaed ti suspek iti kustodyar ti CIDG ditoy probinsya ken manamnama a pilaan da ti reklamo a panaglabsing ti Republic Act (RA) 7394 wenno Consumer Act of the Philippines.
