LAOAG CITY – Natay ti maysa a babai kalpasan ti desgrasya iti kasinsin na idiay Brgy. Tarrag, Pagudpud, Ilocos Norte.
Nabigbig daytoy a ni Abbiegail Alomia y Saunel, agtawen ti 20, factory worker, bakasyonista, residente ti Phase 4, Carmona Cavite idinto a ti driver ti nagluganan da a motorsiklo ket ni Decster Martines y Cortes, agtawen ti 17, mannalon, awanan ti asawa ken residente iti Bgy. Balaoi ti nasao nga ili.
Nabigbig met ti driver a nangiturong ti Ford Ranger a kinadinungpar da a ni Lorenzo Santiago, agtawen ti 27, awanan ti asawa ken taga Tuguegarao City, Cagayan.
Segun ti imbestigasyon, kabayatan nga agpapaabagatan a direksyon dagiti agkasinsin ket ag-overtake da koma ti lugan nga adda iti sanguanan da ket dita a maipagarup a nadungpar ti mangsarsaruno da kadakuada a ford ranger nga ag-overtake koma met.
Gapo iti daytoy, na-slide ti motorsiklo a nagresulta ti panagsagaba dagiti agkasinsin ti sugat kadagiti nagduduma apaset ti bagi da ngem napakarwan ti ulo ni Alomia ket idi maitaray iti Bangui District Hopsital ket naideklara a dead on arrival.
