LAOAG CITY – Maysa nga agtawen iti 36 a babai idiay Connecticut, U.S.A. ti nakagun-od ti dua a world record gapu kadagiti tattoo ken body modifications-na.
Kinumpirmaran ti Guinness World Records a ni Esperance Lumineska Fuerzina ti baro a world record holder ti titulo a “The Most Tattooed Person (Female).”
Daytoy ket gapu ta 99.98% ti bagi ni Fuerzina ket napalikawkawan ti adu a tattoo.
Malaksid iti daytoy, nagun-odna pay ti world record title a “Most Body Modifications (Female)” gapu ta addaan isuna ti 89 body modifications.
Naammoan a sumagmamano kadagitoy ket ti body piercings ken ti split tongue-na no sadinno nga inpa-operana ti dilana tapno arig agkalanglanga ti dila ti uleg.
Inbatad ni Fuerzina, saan pay a nalpas ti tattoo and body modification journey-na no sadinno a saanna pay a masinunuo no ania ti inayonna iti bagina ngem sigurado daytoy a saan pay nga agsardeng nga agpa-tattoo.
