LAOAG CITY – Posible a na-stress wenno iti kinaubing ti pannakatay ti maysa a balyena kalpasan a nabirokan a naisadsad iti igid ti baybay a sakop ti Sitio Derique, Barangay Davila Pasuquin Ilocos Norte.
Daytoy ti inpakaammo ni Mr. Arthur Valente, Fishery Regulatory Coordinator ti probinsya.
Segun kenni Mr. Valente, saan a maduktalan dagiti sugat a sinagaba ti ubing a balyena iti bagi na ngem possible a maipagarup nga illegal a panagkalap.
Inkarigatan ti grupo ni Mr. Valente a maisalbar ti biag ti balyena ngem saan a nagballaygi.
Ti nasao a balyena ket addaan ti kaatiddog nga uppat a kadapan.
