LAOAG CITY – Kinumpirmaran ni SFO1 Donald Isaguire, ti Chief Admin ti Investigation and Inspection Office ti Bureau of Fire Protection iti ili ti San Nicolas a mapatta-patta a maysa a milyon a pisos ti balor ti nauram a backhoe iti Brgy. San Marcos iti nasao nga ili.
Nupay kasta, inlawlawag na a manarimaan pay laeng ti naun-uneg nga imbestigasion pakaseknan iti daytoy gapu ta agpapan ket am-amoen da pay laeng no ania ti makaigapu iti pannakauram ti nasao a lugan.
Kunana a ti akinkukua ti lugan a ni Engr. Remy Cadiente iti Remar Construction ket manamnana a mangipasa ti affivadit para iti naan-anay a detalye iti napasamak.
Maipalagip a nakaawat ti report ti BFP San Nicolas ti maysa a tawag nga adda ti maur-uram a backhoe a naka-parking iti igid ti kalsada ken idi dimmanon da iti lugar ket dakkelen ti apoy.
