LAOAG CITY – Pimmigsa pay ti Tropical Depression Kiyapo kabayatan a turturungen na ti kabaybayan iti abagatan ti probinsya ti Cagayan, basar iti Philippine Atmospheric, Geophysical and Astronomical Services Administration (PAGASA).
Iti weather bulletin pasado alas-8:00 ita a rabii ti Miyerkules, naudi a nakita ti sentro ti bagyo iti kaadayo nga 540 kilometro abagatan, abagatan a daya ti Casiguran, Aurora.
Addaan daytoy ti kapigsa ti aginga nga umabot iti 55 kilometro iti kada oras asideg iti tengnga na pasaray pumigsa agingga iti 70 kilometro iti kada oras. Aggargaraw daytoy West-northwestward iti kapardas a 30 kilometro iti kada oras.
Nakaibayug paylaeng ti Tropical Cyclone Wind Signal (TCWS) No. 1 kadagiti probinsia ti:
- Batanes
- Cagayan including Babuyan Islands
- Isabela
- Apayao
- Abra
- Kalinga
- Mountain Province
- Ifugao
- Ilocos Norte
- Ilocos Sur
- the northern portion of Aurora (Dilasag, Casiguran, Dinalungan)
- the northern portion of Nueva Vizcaya (Bagabag, Diadi, Bayombong, Ambaguio, Villaverde, Quezon, Solano)
- the northern portion of Quirino (Maddela, Cabarroguis, Saguday, Diffun, Aglipay)
- the northern portion of Benguet (Buguias, Mankayan, Bakun, Kibungan)
Basar iti PAGASA, possible nga umabot iti Tropical Cyclone Wind Signal No. 2 ti kangatoan a ballaag a maiparuk-at, ngem saan met nga iwalin a maipangato iti Signal No. 3 no ad-adda pay a pumigsa ti bagyo ken agbalin a maysa a severe tropical storm kabayatan ti idadalyasat na iti Batanes ken Babuyan Islands.
