LAOAG CITY – Natay ti maysa a baket nga agtawen ti 71 kalpasan a pinaltogan ti maysa a lakay nga adda ti diperensya ti panagpanpanunot na iti Makiki Area, Honolulu, Hawaii.
Segun kenni Bombo International Correspondent Manny Pascua, binigbig ti Honolulu Police Department ti suspek a ni Ernest Romero, agtawen ti 74.
Inbatad na a maipagarup nga agkabbalay ti suspek ken ti biktima iti maysa nga apartment iti nasao a lugar ngem saan pay nga ammo dagiti otoridad ti motibo ti pammaltog.
Innayon ni Pascua a saan pay a nalawag no anya ti relasyon dagiti dua a nataengan.
Sumango ni Romero ti kaso a second degree murder.
