LAOAG CITY – Manarimaanen ti panagaramid dagiti balud iti Ilocos Norte Provincial Jail iti lantern wenno dagiti Christmas decorations.
Daytoy ti inpakaammo ni Jail Warden Benilda Sadian iti nasao a pagbaludan.
Inbatad ni Sadian a dagiti ar-aramiden dagiti balud a dekorasyon ket ilako da iti ruwar tapno adda ti pamastrekan da uray nakabalud dagitoy.
Malaksid iti daytoy, kuna pay ni Sadian nga addan dagiti sigud nga ar-aramiden dagiti balud a mabalin da a pamastrekan kas ti art works home design.
Inpasigurado ni Sadian nga agtultuloy dagitoy nga ar-aramiden dagiti balud tapno adda latta ti mapastrekan da.
