Bangkay manipud iti lungon, dandani a naregreg gapu ti panagprobokar ti maysa a kabagyan da
LAOAG CITY – Dandani a naregreg ti nakaimansayagen a bangkay manipud iti lungon na iti maysa a balay kalpasan ti panangriribok ti kabagyan da iti Brgy. 1 ditoy siudad ti Laoag.
Nabigbig a nagprobokar a ni Allan Tapaoan, agtawen ti 39 ken residente iti nasao a barangay.
Segun ti PNP Laoag, adda iti impluwensya ti nasanger idi nagprobokar ni Tapaoan iti nakaimansayagan ti pimmusay a kabagyan na.
Kuna ti PNP nga induron-duron na ti langun a nakaikabilan ti bangkay ken dandani a naregreg ti nagyan na.
Naamuan a dinanug pay ni Tapaoan ti live partner ti pimmusay iti saan a naamuan a gapu na.
