LAOAG CITY – Agtultuloy ti imbestigasyon dagiti otoridad para ti pannakabigbig ti bangkay ti maysa a baket napalto-paltogan idiay Pinili, Ilocos Norte.
Segun kenni Police Chief Inspector Gerardo Antonio, chief of police, narekobre da iti bangkay ti saan pay a nabigbig a biktima iti igid ti national highway a paset Barangay Sto. Tomas.
Kuna ni Antonio a ti biktima addaan ti tama ti bala ti kalibre 45 iti ulo ken ti bukot na.
Patyen ti opisyal a napapatay ti biktima iti met laeng nasao a lugar gapu kadagiti nakita da a pito nga empty shells ken slugs ti nasao a paltog.
Inbatad na nga awan ti senyales a nadiknap ti biktima wenno naibelleng daytoy iti nasao a lugar gapu ta saan a nakagalut ken ti iggem na ket sando bag, sanga supot na cornik ken 50 a pisos.
Innayon na a ti biktima ket mapatta-patta nga agtawen ti 65 agpangato.
