LAOAG CITY – Nangisayangkat ti Committee on Education ti Sangguniang Panlalawigan nga idadauloan ni Atty. Saul Paulo Lazo ti hearing seknan ti baro a wagas ti panagadal ditoy probinsya ti Ilocos Norte.
Nadiskutir dagiti obserbasyon ken plano dagiti nagduduma a munisipalidad ken ciudad ditoy probinsya iti panangadaptar ti ‘new normal’ iti edukasyon.
Inbatad ni Bokal Lazo nga addaan ti plano ti provincial education kas ti panangdeterminar kadagiti Wi-Fi-enabled areas karaman dagiti pagadalan, methods ti blended learning (modular, virtual and radiofrequency), panagalokar ti pondo a pangsuporta kadaytoy ken panangkiddaw ti tulong dagiti opisyal ti barangay.
Segun kenni Ms. Rhona Ysabel Daoang, head, communications and media office (CMO) a masapol a kitaen dagiti nagduduma nga LGU dagiti nakapaot ti internet connection na ken ireport da daytoy iti Provincial Education Department.
Innayon na a mabalin pay a mausar dagiti Information Hubs (iHubs) kadagiti nagduduma a munisipalidad ditoy probinsya kas ‘upload-download’ areas.
Manarimaan met ti panangalokar ti PGIN iti pondo nga agdagup ti 25 Million pesos manipod iti special education fund (SEF) para iti panaggatang ti laptops wenno desktops para kadagiti mangisursuro.
Nagutigot pay dagiti local government units (LGUs) a mangalokar ti pondo tapno matulungan dagiti mangisursuro ken agad-adal iti nasao a programa.
