LAOAG CITY – Natiliw ti baro a mabigbig a drug personality babaen ti naiwayat a search operation dagiti pulis iti Brgy. 1 iti ili a San Nicolas.
Daytoy ti kinumpirmaran ni Police Chief Insp. Marlon Padamada, deputy chief of police ti PNP San Nicolas.
Binigbig ti hepe ti suspek a ni Albert Adaoag, agtawen ti 57, maysa a driver ti jeep nga addaan ruta iti Laoag-San Nicolas ken sagpaminsan nga agbiahe iti Laoag-Manila
Naiyemplementar ti search warrant mainaig iti RA 9165 wenno Comprehensive Dangerous Drugs Act of 2002 para ti pannakatiliw ti nasao a suspek.
Narekobre dagiti otoridad ti lima a sachet a naglaon ti maipagarup a shabu ken mapapati a dua a bala ti M14 rifle.
Agtultuloy ti imbestigasyon ti PNP no adda pay dagiti kakadua ti suspek.
