LAOAG CITY -Nagballigi dagiti otoridad a nangtiliw iti maysa a baro iti inyuswat da a drug buy-bust operation iti sentro idiay Bacarra, Ilocos Norte.
Nabigbig daytoy a ni Bryan Rumbaoa, agtawen iti 28, baro ken residente iti Barangay 25 iti nasao nga ili.
Natiliw ni Rumbaoa kalpasan a naglako iti maysa nga heat sealed sachet a naglaon ti maipagarop a shabu nga agbalor iti 500 a pisos iti maysa a pulis a nagpammarang a poseur buyer.
Malaksid ti daytoy, adda pay ti maysa a granada a naala dagiti otoridad iti ikot ti suspek.
Iti agdama, nagtalinaed ti suspek iti kustodyar iti PNP iti ili a Bacarra.
