LAOAG CITY – Nalmes ti maysa a baro iti Cadalman River, Sitio Kapia, Barangay Hilario iti ili ti Banna.
Ti biktima ket agtawen ti 24, awanan asawa ken residente met laeng iti nasao a barangay.
Basar iti Banna Municipal Police Station, kabayatan a magmagna ti maysa a residente iti asideg ti nasao a karayan ket nariparna ti biktima a nalmes.
Mainaig iti daytoy, segun iti ina ti biktima nga agsagsagaba iti sakit nga epilepsy ti anakna sipod pay idi agtawen daytoy ti 13 a posible a kellaat a nariknana kabayatan nga agbanbanniit iti karayan.
Kabayatanna, naitaray ti biktima iti Doña Josefa Edralin Marcos District Hospital ngem naideklara a dead on arrival babaen ti attending physician a ni Dr. Harold Ermitanio gapu iti asphyxia secondary to drowning.
