LAOAG CITY – Addan ditoy ciudad ti Laoag ti baro nga head ti Post of the consulate ti People’s Republic of China a ni Li Xiaoyan.
Immuna iti daytoy, nabara a sinarabo dagiti opisyal ditoy ciudad ti Laoag ni Li iti panangidaulo ni Mayor James Bryan Alcid, kadwa na dagiti pannakabagi ti Filipino-Chinese Community ditoy ciudad.
Sakbay a nagturong ditoy ciudad ni Li ket immuna a nagserbi kas Minister Counsellor and Charge d’ Affaires ti Chinese Embassy idiay Myanmar.
Manamnama ti agtultuloy a napintas a relasion ti Consular Officer ken ti gobierno ti Ilocos Norte ken Laoag City.
Maipalagip nga immunan a nagyaman ni Mr. Ren Faquiang iti gobierno lokal iti panagtalinaed da ditoy ciudad kalpasan a nagleppas metten ti termino na kas mangidaulo ti consul.
