LAOAG CITY – Maipatpatungpalen ti baro nga ordinansa seknan paylaeng iti plete iti tricycle ditoy ciudad ti Laoag.
Daytoy ti inbatad ni Police Chief Master Sergeant (PEMS) Eric Bumagat, ti mangidadaulo iti PNP-Traffic Division ditoy ciudad ti Laoag.
Segun ken ni Bumagat, naipalaon iti baro nga ordinansa a ti plete dagiti regular a pasahero ket 15 a pisos idinto a 12 a pisos para kadagiti estudyante ken senior citizens ditoy ciudad.
Inlawlawag ni Bumagat a ti laeng awan iti fare guide ket ti tallo a pisos a mainayun iti kada kilometro.
Innayon na a no arkilaen ti pasahero ti tricycle ket pagsaritaan da iti driver ti pagplete na.
