LAOAG CITY – Inpakitan ti Filipino fashion designer a ni Francis Libiran ti barong design nga isuot ti Team Philippines iti Paris Olympics.
Mainaig iti daytoy, naawagan ti design ti barong ti ‘Sinag’.
Inlawlawagna a naggapo daytoy manipud iti ‘Ray of the Sun,’ a mangisimbolo iti namnama ken optimismo.
Innayonna a mangiladladawan daytoy iti diwa ken panagpannakkel ti panagbalin a kas maysa a Pilipino.
Kabayatanna, ti nadisenio a barong ket addaan kadagiti maris ti bandera ti Pilipinas.
