LAOAG CITY – Nailako iti balor a $4.4 milyon iti auction ti bola a tinamaan ni Los Angeles Dodger superstar Shohei Ohtani.
Ti pannakaitama ti bola ket isu ti maika-50 nga home run iti Major League Baseball.
Maibilang ti agtawen ti 30 a Japanese hitter a kaunaan nga umaayam iti pakasaritaan ti baseball a nakatama ti 50 home runs ken nakakumpiskar ti 50 bases iti uneg ti maysa a season.
Napasamak ti nasao a record idi Setyembre 19 ita a tawen iti laban da kontra iti Miami Marlins.
Maibilang pay ti nasao a bola a kanginaan a nagatang iti maysa nga auction manipod iti saanen a nainaganan a buyer.
Maipalagip nga idi 1999 ket nagatang ti baseball iti balor a $3-M manipod iti record-breaking ball ni Mark McGwires iti 1998 MLB season.
