LAOAG CITY – Naragsak nga inrakurak ni Binibining Pilipinas Globe Chelsea Fernandez a daytoy ket napili a mangibagi ti Sultan Kudarat iti Miss Universe Philippines 2025.
Iti online account daytoy ket napalaos ti panagyamanna kalpasan a naipaayan manen ti gundaway a makipaset iti pageant.
Naammoan a dagiti sumagmamano a makabinnalubalna ket isuda Reina Hispanoamericana 2017 Winwyn Marquez ken Miss Earth Air 2023 Yllana Aduana.
Ni Fernandez ket runner-up iti Miss Philippines Earth 2019 kas Miss Philippines Water ken nagballigi isuna kas Miss Bikini Philippines idi 2021.
Nagbalin a pambato met isuna ti pagilian iti Miss Globe 2022 pageant a naiyuswat idiay Albania ken nakastrek daytoy iti Top 15 semi-finalist.
