LAOAG CITY – Ad-adda pay a kimmaro ti rikki ti bell tower iti ili ti Bacarra kalpasan ti idadayyeg ti magnitude 5.8 a gingined ditoy probinsya.
Daytoy ti inbatad ni Miss Mary Joyce Madamba, ti mangidadaulo iti Municipal Disaster Risk Reduction and Management Office iti ili ti Bacarra.
Inpakaammo pay ni Madamba nga uray dagiti dadduma a government building iti ili ti Bacarra ket adda ti nairekord a rikkida.
Nupay kasta, kuna na a maibilang a gagangay laeng dagiti nairekord a rikki kadagiti dadduma a pasdek ti gobierno maibasar iti panaginspeksyon ti Engineering Office.
Gapu iti ad-adda pay a panagrikki ti bell tower ket nakordonanen ti lawlawna tapno mapakdaaran dagiti turista ken dagiti umili.
Kabayatanna, inbatad ni Madamba nga awan ti nakita a perdisyon dagiti school buildings iti ili ti Bacarra kalpasan ti napasamak a panagdayyeg.
