LAOAG CITY – Aminado ni Fire Senior Inspector Edison Reyes, ti Fire Marshal ti Bureau of Fire Protection (BFP) ditoy ciudad ti Laoag nga agkurkurang ti personnel da.
Segun kenni Reyes, rumbeng kuma a nasurok 30 ti personnel ti Bureau of Fire Protection (BFP) ditoy ciudad.
Kunana nga iti kada fire truck ti ciudad ket rumbeng kuma nga addaan ti pito a bombero.
Malaksid iti daytoy, kuna ni Reyes nga adda pay ti ambulansya nga us-usaren da no agresponde da.
Kabayatanna, mangnamnama ni Reyes nga umado ti personnel da iti sumaruno a tawen gapo ta adda dagiti aplikante nga agbalin a Fire Officer 1.
Maipalagip nga iti panaglukat ti sub-station da iti Barangay San Mateo ket naideploy met dagiti sumagmamano a personnel da.
