LAOAG CITY – Dinayaw ni Fire Chief Insp. Roxanne Parado, Fire Mashall ti BFP ditoy siudad ti Laoag ti kinaaktibo ti City Disaster risk Reduction and Management Council.
Daytoy ket pakaseknan ti agtultuloy a panagisayangkat ti CDRRMC ti training kadagiti opisyal ken tanod ti nagduduma a barangay ditoy siudad.
Kuna na nga uray a saan a fire prevention month ket adda dagiti nakaituding a training ken lecture iti kada cluster ti barangay.
Segun kenni Parado, saan laeng a maipanggep iti fire safety iti sanayen dagiti maseknan ngem ketdi karaman pay ti basic first aid ken panagrescue kabayatan ti kalamidad.
