LAOAG CITY – Natukkol ti akin-kannawan a saka ti maysa a Barangay Kagawad kalpasan a nakidinnungpar ti nagluganan na a a tricycle iti maysa nga SUV iti airport road a paset ti Barangay Cabungaan-A ditoy ciudad ti Laoag.
Nabigbig ti biktima a ni Barangay Kagawad Liderato Felipe iti Barangay Zamboanga ditoy ciudad ti Laoag ken maysa a tricycle driver.
Segun kenni Barangay Chairman Elmer Lorenzo iti Brgy. 44, Zamboanga ditoy ciudad ti Laoag, nagasat ni Felipe gapo ta saan unay a nakaro ti sinagaba na a sugat kalpasan a nagkatlo ti tricycle na.
Inbatad na a naisina ti motor ken nagudwa ti sidecar ti tricycle ti nasao a kagawad nga isu ti kangrunaan a nadungpar iti nasao a SUV.
Kunana ni Lorenzo a nakainom ti nasanger ti biktima ken posible a nataray dagiti dua a lugan gapo iti epekto ti desgrasya.
