LAOAG CITY – Nagbalin nga open ti aktres a ni Bianca Umali iti nagbalin a susik ti relasyon da iti nobyo na a ni Ruru Madrid iti kallabes a pinakawan na iti baet a nagbasol ti aktor.
Iti episode ti “Fast Talk with Boy Abunda,” sinaludsud ni Tito Boy ti aktres no kasanu na a naaramid a pinakawan ni Ruru iti isyu ti pananggulib iti relasyon da.
Insungbat ni Bianca a “kararag” laeng ti nagkaptan na, ken inadmitir na a saan met laeng a ti nobyo na ti nangpasakit kenkuana no di ket dagiti pay tattao iti aglawlaw na.
Inkalintegan na nga awan ti madi iti panangpakawan iti tao a nagbasol wenno nakaaramid ti saan a nasayaat kenkuana.
Nupay kasta, kuna na a kasapulan met ti panawen iti panangpakawan, ken saan a basta candy nga ipaay lattan.
Innayon na a ti kanayun na nga ibagbaga a no ti Diyos ket kabaelan na ti mangpakawan, saan met a narigat nga aramiden daytoy ti tao.
Saan met a nasungbatan a dagus ni Bianca no makapawan na paylaeng ni Ruru no uliten na ti manggulib kenkuana.
