LAOAG CITY – Insingasing ni Bicol Saro Partylist Representative Brian Raymund Yamsuan iti Philippine National Police (PNP) nga palawaen ti panagusar da iti digitalized crime reporting system ken dadduma pay nga addang nga agus-usar ti teknolohiya kontra kadagiti kriminalidad a maapaspasamak online.
Ti mensahe ni Yamsuan ket kalpasan a rinugian ti Philippine National Police ti Law Enforcement Reporting and Information System (LERIS) iti Metro Manila, digitalized policing app a pakaireportan ti publiko kadagiti krimen wenno mapagduaduaan nga insidente babaen ti panangusar iti cellphone-da.
Segun ken ni Yamsuan, nasayaat no mangisayangkat ti National Capital Region Police Office (NCRPO) iti information drive iti social media mainaig iti daytoy tapno adda umdas a pakaammo iti publiko no kasano nga usaren ti Law Enforcement Reporting and Information System babaen ti “egovph app” ket no sadinno a suportado ni Yamsuan ti plano ni PNP Chief General Rommel Marbil a gumatang kadagiti body-worn camera nga addaan iti kabaelan ti artificial intelligence (AI).
Kuna ni Yamsuan, a rumbeng nga ipadalan ti Philippine National Police ti panagsanay dagiti kameng da tapno agbalin nga epektibo ken usto ti panagusarda kadagiti body cameras nga addaan ti artificial intelligence (AI).
