LAOAG CITY – Naminsan manen a nagsarita iti telepono ni United States President Joe Biden ken Israel Prime Minister Benjamin Netanyahu.
Basar iti White House a tinalantanda ti progreso iti negosasion iti pannakawayawaya kadagiti hostage.
Maibasar iti proposal nga indasar ni Biden idi Mayo a nasken a maaddaan ti dagus a pannakaisardeng ti putokan, panangwayawaya kadagiti hostage ken ti kanayonan nga humanitarian aid a sumrek iti Gaza.
Inburay pay ni Biden ti kinapateg ti ceasefire kas ti napasamak iti Lebanon idi Nobiembre ken ti pannakaikkat ken ni Syrian President Bashar al-Assad iti puesto.
Nagyaman ni Netanyahu ken ni Biden ken ni incoming President Donald Trump gapu iti awan sarday a panangilungalong iti kinakappia iti Gaza.
