LAOAG CITY – Manannama ti panakaiwayat ti “Biggest Loser” ditoy probinsiya kas paset iti 2024 Nutrition Month Celebration.
Segun ken ni Miss Elma Irapta ti mangidadaulo iti Provincial Nutrition Action Office, daytoy nga aktibidad ket maibilang kas kaunaan a gundaway a maiwayat gapu iti ngumatngato a bilang dagiti obese nga ubbing ken natataengan ditoy probinsiya.
Inlawalwagna a ti “biggest loser” ket maysa a kompetisyon para kadagiti indibidwal nga obese nga agegeddan nga agpakuttong iti unos ti uppat a bulan manipod Hulyo 11 agingga Nobyembre 11 ita a tawen.
Inpakaamona a nu siasinno kdagiti partisipantes iti addaan ti kadakkel ti nagbabaan ti timbang-na ket isu ti maideklara a mangabak.
Inrakurakna a daytoy ket mabalin nga pagpartisiparan dagiti nataengan nga babai nga agtawen ti 20 agingga 60 ken dagiti ubbing a lallaki nga agtawen ti innem agingga sangapulo.
Kabayatanna, inpanamnamana a planoda nga agkiddaw ti dakdakkel a pondo intun sumaruno a tawen tapno amin ket makipartisipar uray ana nga edad wenno kinatao.
Iti inisyal nga assesment ket maiwayat iti Kapitolyo Probinsiyal intun Huwebes, Hulyo 11 ti kompitisyon ken maadaan dagiti partisipante ti monthly assesment agingga ti pannagngudo ti kompitisyon a pakangabakan ti lima nga indibidual ken manamnama a makaawatda ti cash prize.
Agserbi met dagiti Nutritionist ken Dietitian a mangtulong iti Provincial Nutrition committee a mang-assist kadagiti participants nangnagruna iti pannagipaay ti advice nu ana ti mabalinda wagas a mangpababa iti timbang da.
