LAOAG CITY – Kinumpirmaran ni Police Senior Inspector Christian Felix, chief investigator iti PNP-Currimao a nakainom ti nasanger ni Marc Aries Corpuz y Lampitoc, agtawen ti 31 ken residente ti Bgy. 5 ditoy ciudad ti Laoag idi nadesgrasya idiay Bgy. Salugan iti ili a Currimao.
Segun ken ni Felix, ti biktima ket aggapo idiay ili a Badoc ken adda ti inatendaran na a maysa a pasken.
Inbatad na nga idi agawiden ni Corpuz ket maipagarop a napukawan ti preno ti inturong na a motorsiklo a nagresulta ti pannakaidungpar na iti railings ti kalsada.
Naitaray ni Corpuz iti ospital ngem naideklara a dead on arrival.
