LAOAG CITY – Kinumpirmaran ni Police Chief Inspector Arnel Tabaog, chief of police ti PNP-Banna nga unconscious biktima ti desgrasya ken adda dagiti naala da ti narway a bala ti paltog kenkuana.
Nabigbig ti biktima a ni Marchson Faderan y dela Cruz, agtawen ti 26, naasawaaan ken residente iti Barangay Sinamar iti ili ti Banna.
Segun kenni Tabaog, bayat nga dumaldayasat iti national road iti Banna-Abra road idiay Barangay Hilario iti nasao nga ili ket nakadungpar ti aso a rason ti pannakatulid na.
Dagus a naitaray ti biktima iti Rural Health Unit ngem naiyakar it Mariano Marcos Memorial Hospital and Medical Center idiay ciudad ti Batac.
Kunana a ti kangrunaan a sinagaba ni Faderan ket ti sugat ti ulo na ken iti ngiwat na ken adda iti impluwensya ti nasanger idi nadesgrasya.
Iti panagresponde dagiti otoridad ket nakaala da ti maysa a homemade carbine, maysa a magazine nga addaan ti 13 a bala.
Malaksid iti daytoy, nakaala da pay iti compartment ti motorsiklo ni Aderan ti dua a loaded magazine nga addaan ti walo a bala, tallo a bala ti shotgun ken dua a bala ti armalite, maysa a bala ti caliber 38 a paltog.
