LAOAG CITY – Inabak ni Leylah Fernandez ti Canada ni Talia Gibson ti Australia iti iskor a 7-5 6-0, a nakagun-odan na ti upang korona iti Singapore Open ken magun-od ti maikanem a WTA title ti karera na.
Narigatan ti world number 31 a ni Fernandez kalpasan a nakaala ti nasapa a break iti umuna a set, nupay kasta nagkedked a sumuko ni Gibson ken namindua a daras a nakabangon manipod iti break tapno agbalin a patas ti laban.
Nagbalin a natalged ti agtawen ti 24 a ni Fernandez iti naudi a paset ti set ken dagus nga inusar na ti umuna a set point tapno magun-od ti umuna a set iti iskor a 7-5.
Kalpasan iti daytoy ket pinabagsak ni Fernandez ti kalaban iti maikadwa set, no sadinno nga alisto a nakaala ti dua a break idinto nga in-inot a napukaw ti namnama ni Gibson.
Nagleppas ti laban a dinominar ti Canadian iti iskor a 6-0 a nakagun-odan na ti titulo.
Ti nasao a koronang ket maikadwa a WTA 500 crown ni Fernandez kalpasan ti panangabak n iti 2025 Mubadala DC Open, a nangpatibker iti napintas nga inpakita na iti Singapore karaman dagiti panangabak na kontra kadagiti kampeon ti French Open ken top seed a ni Mirra Andreeva ken ti runner-up iti Roland Garros a ni Maja Chwalinska.
