LAOAG CITY – Nalpasen ti kampanya ni Pinay tennis star Alex Eala iti Singapore Open.
Daytoy ket kalpasan nga inabak ni Tatiana Prozorova ti Russia.
Umabot iti tallo a set ti laban no sadinno nga immuna a naala ti Russian player ti panangabak iti iskor a 6-4 idinto nakasubbot ni Eala iti maikadwa a set iti iskor a 7-5, ngem iti iseserrek ti maikatlo a set ket nadominar ni Prozorova ti iskor a 6-3.
Sumaruno a makasango ni Prozorova ni Wang Xinyu ti China para iti quarterfinals.
Kabayatanna, sumaruno met laban ni Eala ket iti Asian Games no sadinno nga irepresentar na ti Pilipinas.
