LAOAG CITY – Inlawlawag ni Mr. Marlon Fader y Barola, ti biktima ti panagtagbat idiay Barangay Maglaio Norte iti ili ti Currimao a saan da a nagsango a nakaginom iti kabsat na a ni Jonathan Fader, ti supek ti pasamak.
Segun kenni Marlon, nakatalikod isuna idi tinagbat ni Jonathan a nakatamaan ti likod nga akin-kannawan a lapayag na.
Kinumpirmaran na a dati susik ti motibo ti pasamak gapo ta maipagarop a saan da a mabaon ni Jonathan a mapan agkayo ken agraot ti kanen dagiti dingwen da ken no sumangpet ket nabartek.
Inbatad na a kalpasan daytoy bayat nga adda da iti ruwar ket adda ti iggem ni Jonathan kayo ngem naagaw na ken inmalo na iti daytoy.
Agpada a naitaray iti ospital idiay ciudad ti Batac dagiti agkabsat ngem nagtalinaed a naka-confine ni Jonathan gapo ta angalen na ti nasakit a bagbagi na a napang-or.
Mainaig iti daytoy, inpetteng ni Marlon a no mangipila ti kaso ti kabsat na ket ireklamo na met daytoy.
