LAOAG CITY – Bimassit ti bilang dagiti matiltiliw nga menor de edad a nagmaneho ti motorsiklo iti ili a Piddig.
Daytoy ti inpakaammo ni Police Sr. Insp. Jephre Taccad, hepe ti PNP Piddig.
Kuna na nga umabot ti lima a menor de edad dagiti natiliw a nagmaneho ti motorsiklo gapu ti kinaawan ti lisensya da ita a bulan.
Inbatad ni Taccad a maipilaan dagiti nagannak mainaig ti child abuse no mapaneknekan nga isuda ti nagkurang.
Segun kenni Taccad, iti first offense ket maikkat ti ticket ti nagannak idinto a ti second offense ket ditoy a mangipila da ti kaso kontra kadagiti nagannak.
Iti agdama, agdagup ti 18 dagiti natiketan a nagannak iti nasao nga ili gapu ti panagmaneho dagiti menor de edad iti motorsiklo.
Innayon ni Taccad na iyem-emplementar da laeng ti linaon ti linteg ken inbilin pay ni mayor Georgina Guillen a maikkan ti tyinsa dagiti immunan dagiti natiliw.
