LAOAG CITY – Umaboten iti 32 a tattao ti natay idinto a nasurok a 160 a sabsabali dagiti nasugatan iti suicide bombing iti Shiite Muslim mosque iti kabisera ti Islamabad idiay Pakistan.
Inadmitir ti Islamic State nga isuda ti responsable iti panagatake ken inraman da ti nagan ken ladawan ti maipagarop a suicide bomber iti inparuk-at da a posts iti maysa nga online messaging app (Telegram).
Segun iti Islamic State, pinaltugan ti suicide bomber dagiti gwardiya a nanggandat a manglapped kenkuana sakbay a pinabettak na ti explosive vest.
Iti maysa nga statement, nagballaag ti grupo a mapasarunwan pay ti nasao a panagatake.
