Inbatad ni Dr. Jose Orosa III, ti Chief of Medical Professional Staff iti Mariano Marcos Memorial Hospital and Medical Center idiay ciudad ti Batac a nagtalinaed ti nasurok a 30 iti bilang dagiti biktima ti dengue iti nasao nga ospital.
Iti agdama, 37 a biktima ti naka-confine iti ospital ken kangrunaan kadagitoy ket ubbing, 9 a nataengan karaman ti 2 a masikog.
Segun kenkuana, uray adda ti rumuar a pasyente ket adda manen ti sumrek a biktima iti dengue a rason a saan nga agbaliw ti bilang dagiti pasyente iti nasao a sakit.
Nupay kasta, awan met ti nairekord a natay gapu iti sakit a dengue sipod dua a bulan ti napalabas.
Inlawlawag na asaan a problema ii pagyanan dagiti pasyente a nakaconfine iti covered court gapu ta us-usaren da ti insecticide-treated mosquito nets a mangprotektar kadakuada.
Kunana a kumpleto dagiti swero, dara ken agas para kadagiti positibo a biktima ti dengue.
Al-allukoyen ni Orosa ti publiko a makipaset iti 4 o’clock habit nga isaysayangkat ti ahensya.
Babaen iti daytoy, maallukoy ti publiko nga obserbaren dagiti aglawlaw nangruna ita a panawen ti panagtutudo, kangrunaan dagiti pagumokan ti lamok iti kada alas-kuatro ti malem.
