LAOAG CITY – Mapatta-patta nga umaboten iti 10 nga indibidual ti natay gapu iti kumarkaru nga uram idiay Los Angeles, California segun iti Department of Medical Examiner.
Segun iti Department of Medical Examiner, mabayagan ti pannakabigbig kadagiti biktima gapu ta saan a makakuti a nasayaat dagiti emergency group gapu iti kumarkaru a sitwasyon.
Kunada a masapul nga ipangruna da met laeng ti safety protocols.
Mainaig iti daytoy, inbatad met ti Los Angeles County sheriff a posible a manayunan pay ti bilang dagiti agbalin a biktima.
Basar iti kaudian a datus, nasurok 180,000 tattao ti addan kadagiti evacuation centers.
