LAOAG CITY – Makarikrikna ti nakaro a panagdanag ken buteng dagiti residente nga agnanaed iti asideg ti epicentre ti nakaideklararan ti Ebola outbreak a nakatayanen ti 131 a tattao.
Daytoy ket kalpasan nga adda ti panagballaag ti World Health Organization (WHO) nga al-alisto ti panagwaras ti virus kadagiti a gundaway ngem ti ninamnama da.
Inbatad ti maysa a residente iti probinsya ti Ituri iti Democratic Republic of Congo, ti epicenter ti outbreak, a dagiti tattao nga apektado ti ebola virus ket alisto ti pannakatay da ken isu ti mangparparigat kadakuada.
Basar kadagiti opisyal, addan ti nasurok a 500 ti maatap a kaso iti Democratic Republic of Congo agingga idi kalman, Mayo 19 idinto a maysa metten ti natay gapu iti nasao a sakit iti kaparanget na a pagilian, iti Uganda.
