LAOAG CITY – Inbatad ti maysa nga eksperto a napateg iti bagi ti maysa a tao a maaddaan ti umdas a turong ken adda ti dakkel nga epekto na iti bagi ti maysa a tao.
Segun ken ni Dr. Glenn Soriano, US Doctor & Natural Medicine Advocate, paset ti sleep disorder ti sleep deprivation no sadinno a saan a maaddaan ti umdas a turog ti maysa nga indibidwal.
Kuna na nga umab-abot iti 6-8 nga oras ti pakabuklan a turog ti kasapulan ti maysa a tao ken rumbeng a deretso a panagturog saan ketdi a maputol-putol.
Innayon na a kasapulan pay a manipod iti nasao nga oras keet adda ti agarop dua nga oras a deep sleep wenno nauneg a pannaturog.
Ti sleep deprivation ket maala iti nagduduma nga aspeto karaman ti agbaliw-baliw nga schedule iti trabaho wenno iyaakar iti night shift.
Makaapektar pay iti sikolohikal kas ti stress ken maaddaan ti sakit ti nakurang a pannaturog ti maysa a tao.
Segun pay ken ni Dr. Soriano, maysa kadagiti pasaren ti tao a kanayun wenno masansan a nakurang ti turogna ket ti malnutrition gapu ta saan a makaaramid ti umdas a melatonin ti bagi.
